На галоўную На галоўную
Напісаць ліст Напісаць ліст
Карта сайта Карта сайта
Рус
Бел
Eng
ГЕРБ РБ Асіповіцкі раённы выканаўчы камітэт

Рака Свіслач  Асіповіцкая ГЭС  Мемарыяльны комплекс Брыцалавічы  Алея Герояў Мемарыяльны комплекс Расохі Асіповіцкі райвыканкам
Рака Свіслач

“Чаму я іду на выбары?”

9 жніўня 2020

Алена Старасціна, настаўнік спецшколы-інтэрната:

— Наведванне выбарчага ўчастка асабіста для мяне з’яўляецца прынцыповым. Лічу, што кожны грамадзянін адпаведнага ўз-росту абавязаны паўдзельнічаць у гэтай важнай па-дзеі, выказаць сваё меркаванне, каб потым не наракаць на некага. Сёлета таксама прыму ўдзел у выбарчай кампаніі, прагаласую датэрмінова, бо ў выхадныя дні буду працаваць. Безумоўна, чакаю, што пройдуць выбары спакойна, дастойна і краіна бу-дзе надалей развівацца, каб кожны чалавек меў магчымасць жыць і працаваць у прыстойных умовах. Для мяне гэта вельмі важна, бо маю двух сыноў і хачу, каб яны сацыялізаваліся, знайшлі сваё месца ў жыцці і рэалізоўвалі патэнцыял не за марамі-акіянамі, а ў краіне, дзе нарадзіліся і выраслі. Дарэчы, старэйшы Яраслаў сёлета будзе галасаваць упершыню. Ён пазнаёміўся з праграмай кожнага з кандыдатаў. Не трэба думаць, што моладзь бяздумна ставіцца да выбараў. Абмяркоўваюць гэту важную падзею на рабоце і з сябрамі.

Ніна Астравух, пенсіянерка:

— Мой выбарчы ўчастак знаходзіцца ў гімназіі. Іду галасаваць, бо гэта грамадзянскі абавязак кожнага. Ніколі не прапускала выбараў. І мая сям’я таксама адказна ставіцца да гэтага мерапрыемства, бо робім выбар нашай будучыні, лёсу дзяцей і ўнукаў, заўтрашняга дня краіны. Як любая жанчына, жадаю, каб моладзь жыла, вучылася, стварала сем’і, гадавала дзетак у мірных умовах. Каб дзяржава наша ні з кім не ваявала, але і сябе не давала крыўдзіць, каб вялася разумная міжнародная палітыка, а населеныя пункты прыгажэлі з дня ў дзень. Прыемна назіраць за станоўчымі змяненнямі ў родным горадзе, радуюся за людзей, якія штосьці ствараюць сваімі рукамі ці розумам. Люблю малых, у якіх яшчэ ўсё наперадзе. Захапляюся кветкамі, рознымі відамі рукадзелля, спевамі. Па душы ўсё тое, што дорыць радасць людзям, а не разбурае, руйнуе і пазбаўляе. Менавіта таму іду на выбары і аддам голас за таго, чыя праграма асабліва блізкая мне.

Аляксандр Краўчанка, стралок установы па захаванні матэрыяльных каштоўнасцей «Маяк»:

— У выбарчай кампаніі ўдзельнічаю пастаянна. Права выявіць волю мае кожны, і скарыстацца ім лічу абавязковым: прыйсці і аддаць голас за таго ці іншага кандыдата. Працую па-зменна, таму вельмі зручна, што наведаць выбарчы  ўчастак можна на працягу некалькіх дзён.

У маім жыцці было шмат выбараў. Самыя складаныя — у пачатку дзевяностых гадоў, калі звыклая маналіт-ная дзяржава расшчапілася на кавалкі. Не ведалі, чаго чакаць, за каго галасаваць і што гэта за пасада такая — прэзідэнт. Цяпер усё больш стабільна і на-дзейна. Дарэчы, у райарганізацыі ГА “Беларускі саюз ветэранаў органаў пагранічнай службы”, якую ўзначальваю, усе адказна адносяцца да выканання свайго грамадзянскага доўгу. Мы шмат пабачылі, прывыклі цвёрда стаяць на нагах і мець актыўную жыццёвую пазіцыю.

Источник: https://gzt-akray.by/