На галоўную На галоўную
Напісаць ліст Напісаць ліст
Карта сайта Карта сайта
Рус
Бел
Eng
ГЕРБ РБ Асіповіцкі раённы выканаўчы камітэт

Рака Свіслач  Асіповіцкая ГЭС  Мемарыяльны комплекс Брыцалавічы  Алея Герояў Мемарыяльны комплекс Расохі Асіповіцкі райвыканкам
Рака Свіслач

Алею Памяці адкрылі ў аграгарадку Семукачы Магілёўскага раёна

3 чэрвеня 2020

Алею Памяці ў гонар удзельнікаў войн XX стагоддзя адкрылі ў аграгарадку Семукачы Магілёўскага раёна. Яна стала часткай раней пасаджанага вяскоўцамі сквера, прысвечанага 75-годдзю Перамогі. Над стварэннем аб’екта, які стаў упрыгожваннем населенага пункта і адначасова данінай павагі тым, хто абараняў жыццё, працавалі як мясцовыя жыхары, так і іх былыя аднавяскоўцы.

«Першым этапам рэалізацыі праекта была падрыхтоўка пляцоўкі. Увесну высадзілі дэкаратыўныя клёны, каштаны і туі. Гэтыя саджанцы прадаставіла ўраджэнка аграгарадка Яніна Гаравая. Ва ўжо створаным скверы высадзілі лічбай 75 блакітныя елкі. Яны сталі ўкладам у важную справу Вадзіма Іўчына.

Падводзячы вынік зробленаму, на адным са сходаў вырашылі дапоўніць алеі саджанцаў памятным знакам, адзначыўшы такім чынам 75-годдзе Перамогі савецкага народа ў Вялікай Айчыннай вайне. Ужо ў працэсе рэалізацыі праекта паступіла прапанова ўспомніць і хлопцаў, якія загінулі ў Афганістане. У выніку аб’ядналі дзве ідэі ў адну», – расказала старшыня Семукацкага сельсавета Тамара Укружская.

Адгукнуўся на просьбу дапамагчы ў вырабе памятнага знака ўраджэнец Семукач Мікалай Сталяроў – майстар Магілёўскага дзяржаўнага прафесійнага ліцэя № 2.

 

«Пачуццё падзякі аднавяскоўцам, якія прымалі ўдзел у розных войнах XX стагоддзя, а асабліва тым, хто абараняў нашу радзіму ў гады Вялікай Айчыннай вайны, з гадамі не становіцца меншым. Ёсць жаданне завяшчаць гэту памяць наступным пакаленням. Мы можам гэта зрабіць вось такім спосабам: стварыць уласнымі рукамі разам са сваімі дзецьмі і ўнукамі памятны знак, які, спадзяёмся, для прахожых і праезджых стане напамінам пра тое, што на гэтай зямлі няма нічога больш каштоўнага за чалавечае жыццё, таму і няма межаў нашай удзячнасці тым, хто паміраў, заваёўваючы мір», – адзначыў Мікалай Сталяроў.

Добраўпарадкаванне ўласнаручна створанага сквера будзе працягнута. Да канца чэрвеня плануюць тут усталяваць лаўкі і стацыянарныя вазоны для кветак.