На галоўную На галоўную
Напісаць ліст Напісаць ліст
Карта сайта Карта сайта
Рус
Бел
Eng
ГЕРБ РБ Асіповіцкі раённы выканаўчы камітэт

Рака Свіслач  Асіповіцкая ГЭС  Мемарыяльны комплекс Брыцалавічы  Алея Герояў Мемарыяльны комплекс Расохі Асіповіцкі райвыканкам
Рака Свіслач

«Бабруйскаграмаш» сёлета пачне выпускаць тэхніку для прэсавання лубяных культур

25 лютага 2020

Тэхніку для прэсавання лубяных культур пачнуць выпускаць у ААТ «Кіруючая кампанія холдынгу “Бабруйскаграмаш”» у гэтым годзе. Пра гэта расказала генеральны дырэктар холдынга Надзея Лазарэвіч.

«Машына для лубяных культур будзе стварацца на базе ўжо наяўнага прэс-падборшчыка для лёну. Пастаўляцца яна будзе выключна за мяжу. Ужо вызначаны рынкі збыту новай тэхнікі – Расія і Украіна», – паведаміла гендырэктар.

Прэзентаваць новы экзэмпляр сельскагаспадарчай тэхнікі плануецца на выставе «Белагра», якая пройдзе ў Мінску 2–6 чэрвеня.

Акрамя гэтага, «Бабруйскаграмаш» у бягучым годзе плануе павялічыць аб’ёмы вытворчасці энерганасычанай тэхнікі. «Цяпер нашы вобласці закупляюць менавіта энерганасычаную сельскагаспадарчую тэхніку, і ім трэба прычапное абсталяванне большага памеру. Гэтаму напрамку дзейнасці мы надаём асаблівую ўвагу і нарошчваем гаму абсталявання, неабходнага для эфектыўнай працы з больш магутнымі трактарамі», – падкрэсліла Надзея Лазарэвіч.

Яна дадала, што сельскагаспадарчая тэхніка, вырабленая холдынгам, працуе больш чым у 50 краінах свету. Машыны беларускай вытворчасці дапамагаюць аграрыям у Еўропе, Азіі, Афрыцы, Паўночнай, Цэнтральнай і Паўднёвай Амерыцы. У гэтым годзе плануецца асвоіць рынкі Егіпта, Ізраіля, Сербіі і Сірыі.

ААТ «Кіруючая кампанія холдынгу “Бабруйскаграмаш”» вырабляе больш за 150 найменняў сельскагаспадарчай тэхнікі. Цяпер у склад холдынга ўваходзіць УКХ «Бабруйскаграмаш», «Бабруйсксельмаш», «Оршааграпраммаш», «Тэхналіт Полацк», Маладзечанскі станкабудаўнічы завод і «НДІстрамаўталінія». Сёлета са складу холдынга выйдзе «Тэхналіт Полацк», на яго месца прыйдзе Брэсцкі электрамеханічны завод.