На галоўную На галоўную
Напісаць ліст Напісаць ліст
Карта сайта Карта сайта
ru
by
en
ГЕРБ РБ Асіповіцкі раённы выканаўчы камітэт

Рака Свіслач  Асіповіцкая ГЭС  Мемарыяльны комплекс Брыцалавічы  Алея Герояў Мемарыяльны комплекс Расохі Асіповіцкі райвыканкам
Рака Свіслач

Пелетная вытворчасць адкрылася ў Клічаўскім раёне

22 мая 2020

Новую пелетную вытворчасць запусцілі ў Клічаўскім раёне з удзелам міністра лясной гаспадаркі Віталя Дрожы, як паведамілі ў прэс-службе Мінлясгаса.

Запуск стаў адным з этапаў выканання даручэння кіраўніка дзяржавы па забеспячэнні поўнай перапрацоўкі драўняных рэсурсаў унутры краіны. «Даручэнне тычылася ўводу ў эксплуатацыю шасці пелетных вытворчасцяў да чэрвеня бягучага года. Тэрміны былі досыць кароткія, але мы выканалі пастаўленую задачу на Клічаўскай зямлі. Гэта камерцыйная вытворчасць, якая дазволіць стварыць новыя працоўныя месцы з досыць высокай зарплатай, уцягнуць у перапрацоўку адходы лесапілавання, нізкаякасную драўніну», – сказаў Віталь Дрожа.

Плануемыя аб’ёмы вытворчасці – 20 тыс. т пелет на год. Завод будзе працаваць у кругласутачным рэжыме. «Гэта перспектыўнае прадпрыемства, на якім, спадзяюся, затрымаецца наша моладзь. Яго запуск – знакавая падзея для развіцця раёна», – адзначыў старшыня Клічаўскага райвыканкама Віктар Рабкавец.

Пелеты – экспартна арыентаваны прадукт. Штогадовы аб’ём іх спажывання ў свеце перавышае 40 млн т. Пры гэтым, паводле ацэнак экспертаў, з кожным годам гэты паказчык павялічваецца прыкладна на 1,5 млн т. Найбольш актыўнымі спажыўцамі паліўных гранул з’яўляюцца краіны Заходняй Еўропы. У спісе перспектыўных і краіны Азіі. Напрыклад, толькі Японія заявіла аб намеры павялічыць да 2030 года аб’ёмы спажывання пелет ў 10 разоў (да 20 млн т).