Каля 4 тыс. чалавек прынялі ўдзел у адкрыцці абласнога маладзёжнага патрыятычнага праекта "Дарогамі памяці і славы" ў Магілёве. Праект, прысвечаны Году гістарычнай памяці і 77-й гадавіне Вялікай Перамогі, стартаваў 25 красавіка на плошчы Леніна ў Магілёве і завершыцца 9 мая. За гэты перыяд ён ахопіць усю Магілёўскую вобласць. Аўтакалона стылізаваных аўтамабіляў, аўтобусаў-музеяў і палявой кухні на працягу двух тыдняў з 25 красавіка па 9 мая праедзе па ўсіх гарадах і раёнах рэгіёна.
