Беларуская чыгунка назначыла дадатковыя паязды для забеспячэння перавозак пасажыраў у дні праваслаўнага Вялікадня, Радаўніцы і майскіх свят, паведамілі БЕЛТА ў прэс-цэнтры БЧ.
З улікам прагназуемага павелічэння пасажырапатоку з 14 па 16 красавіка ўнутры краіны дадаткова назначаны паязды ў напрамках Мінск - Брэст, Мінск - Гомель, а 15 красавіка - у напрамку Мінск - Пінск. Таксама ў гэтыя дні шэраг электрапаяздоў бізнес-класа ў напрамках Мінск - Брэст, Мінск - Гомель і Мінск - Калінкавічы будзе курсіраваць здвоенымі саставамі.
Акрамя таго, на Радаўніцу, з 21 па 26 красавіка, назначаны дадатковыя паязды, якія будуць курсіраваць па найбольш запатрабаваных у пасажыраў напрамках: Мінск - Брэст, Мінск - Гомель, Мінск - Віцебск, Мінск - Гродна, Мінск - Магілёў, Мінск - Пінск, Гродна - Орша - Крычаў, Віцебск - Мінск - Гродна і Мінск - Камунары.
Таксама ў выхадныя дні на Радаўніцу і майскія святы назначаны дадатковыя паязды для праезду арганізаваных груп і індывідуальных пасажыраў у міжнародных перавозках. Па маршруце Мінск - Санкт-Пецярбург 21, 23 і 24 красавіка, 5 і 7 мая назначаны поезд нумар 250 Мінск - Санкт-Пецярбург адпраўленнем з Мінска ў 19.15, а 22, 24 і 25 красавіка, 6 і 8 мая - поезд нумар 249 Санкт-Пецярбург - Мінск адпраўленнем з Санкт-Пецярбурга ў 20.13.
Таксама 1, 7, 8 і 9 мая назначаны поезд нумар 236 Брэст - Масква адпраўленнем з Брэста ў 13.12, а 2, 9 і 10 мая - поезд нумар 235 Масква - Брэст адпраўленнем з Масквы ў 14.06. Поезд нумар 232 Мінск - Масква 8 і 9 мая назначаны адпраўленнем з Мінска ў 23.14, 9 і 10 мая - поезд нумар 231 Масква - Мінск адпраўленнем з Масквы ў 18.17, а 8 мая - поезд нумар 237 Масква - Брэст адпраўленнем з Масквы ў 11.16. Назначаны таксама паязды па маршруце Полацк - Віцебск - Масква з 27 красавіка па 9 мая - нумар 239 Полацк - Масква і з 28 красавіка па 10 мая - нумар 240 Масква - Полацк адпраўленнем з Масквы ў 23.41.
Акрамя таго, у залежнасці ад попыту на перавозкі будзе павялічана колькасць месцаў для праезду пасажыраў у рэгулярных паяздах.
