Выхаванец Магілёўскага абласнога кадэцкага вучылішча Уладзіслаў Міхалёў стане ўдзельнікам праекта "Поезд Памяці", які стартуе 22 чэрвеня ў Брэсце. Малады чалавек перайшоў у выпускны клас з сярэднім балам атэстата вышэйшым за восем. Сфера яго інтарэсаў разнастайная: ад ваеннай гісторыі і фільмаў пра падзеі Вялікай Айчыннай вайны да рукапашнага бою, прамоўніцкага майстэрства і песеннай творчасці. Малады чалавек у свае 16 гадоў ужо стаў намеснікам камандзіра ўзвода і старшым віцэ-сяржантам, узнагароджаны медалём "За служэнне Радзіме з дзяцінства" ад Беларускага саюза сувораўцаў і кадэтаў. Мама Таццяна Міхалёва сынам ганарыцца і ва ўсім падтрымлівае: гаворыць, што ён вельмі шмат працуе над сабой і ўпэўнена ідзе да сваёй мэты - паступлення ў Акадэмію МУС.
