Урачыстае адкрыццё кінатыдня “Тураўская восень” адбылося 25 кастрычніка ў магілёўскім кінатэатры “Радзіма”.
Удзельнікамі цырымоніі сталі старшыня Магілёўскага абласнога аддзялення Саюза пісьменнікаў Беларусі Аляксандр Казека і навучэнцы магілёўскай сярэдняй школы №1, студэнты факультэта фізічнага выхавання МДУ імя А.А. Куляшова. Разам яны ўсклалі кветкі да памятнай дошкі Віктара Турава, устаноўленай на фасадзе кінатэатра. Пасля гэтага прайшоў паказ мастацкага фільма "Дыханне жыцця".
