ААТ «Магілёўліфтмаш» падрыхтавала для адгрузкі першую партыю ліфтавага абсталявання на адрас сумеснай зборачнай вытворчасці ў Кыргызстане. Пра гэта паведаміў намеснік генеральнага дырэктара прадпрыемства па камерцыйных пытаннях Антон Бельскі, пра што расказалі ў прэс-службе Мінпрама.
Дамоўленасць аб арганізацыі зборачнага прадпрыемства на базе ТАА «Кыргыз Унаа Курулуш» (горад Ош) з мэтай удзелу ў праграме замены зношаных ліфтаў у Бішкеку дасягнута мінулым летам падчас візіту прадстаўнікоў кыргызскага прадпрыемства ў ААТ «Магілёўліфтмаш».
Генеральнае пагадненне па сумесным выпуску ліфтаў паміж ААТ «Магілёўліфтмаш» і ТАА «Кыргызз Унаа Курулуш» (Кыргызстан) было падпісана ў верасні на пасяджэнні Беларуска-Кыргызскай міжурадавай камісіі па пытаннях гандлёва-эканамічнага супрацоўніцтва. У лістападзе бягучага года быў заключаны дагавор на пастаўку першых 20 адзінак ліфтавага абсталявання на суму больш за $200 тыс.
Да цяперашняга часу ўсе ліфты выраблены і гатовыя да адгрузкі. З «Кыргызз Унаа Курулуш» праводзіцца работа па ўзгадненні пераліку вузлоў і дэталяў, якія будуць вырабляцца на магутнасцях кыргызскага партнёра. Запланаваны штогадовы аб’ём замены – не менш за 100 ліфтаў на год.
Кыргызстан з’яўляецца традыцыйным партнёрам Беларусі ў рэгіёне Цэнтральнай Азіі. У цэлым з пачатку года аб’ём экспарту беларускіх прамысловых прадпрыемстваў на рынак Кыргызстана павялічыўся на 23% у параўнанні з аналагічным перыядам мінулага года.
