2 гектары новых дрэў, інакш кажучы, гэта чатыры футбольныя палі. Маладыя спецыялісты Магілёва прыклалі руку да аднаўлення лясных участкаў раёна. Акцыя «Тыдзень лесу» ў 2022 годзе выйшла за звыклыя межы і па працягласці, і па аб’ёмах.
Людзі самых розных прафесій з усёй краіны дружна дапамагаюць аднаўляць лясы Магілёўскай вобласці, якія больш за астатніх пацярпелі ад бураломаў. Энергічны працоўны дэсант з маладых спецыялістаў высаджваў елкі і алешыну. У дапамогу хлопцам и дзящчатам спецыяльная рыдлёўка і інструктаж ад прафесіяналаў. І як вынік – за некалькі гадзін звыш 10 тысяч саджанцаў.
Анастасія Цімафеева, жыхарка Магілёва:
– Я ўжо пасадзіла дзясятак дрэў. Атмасфера ў лесе добрая, вельмі прыемна, так нечакана было прыехаць, робім карысць навакольнаму асяроддзю, нашаму гораду.
Вадзім Іўчын, ляснічы Магілёўскага лясгаса:
– Людзі сустракаюцца, людзі маюць зносіны, у працы гартуюцца, таму я заўсёды кажу: для любога мужчыны пасадзіць дрэва, вырасціць сына і пабудаваць дом – гэта аснова. Таму першапачатак – гэта пасадзіць дрэва.
На Магілёўшчыне толькі гэтай восенню на пашкоджаных участках плануюць высадзіць больш за 600 гектараў новага лесу. У цэлым па краіне штогод засаджваюць каля 40 тысяч гектараў.
