Анатоль Iсачанка правёў асабісты прыём грамадзян у Магілёве
Асабісты прыём грамадзян правёў сёння старшыня Магілёўскага аблвыканкама Анатоль Ісачанка. Жыхароў рэгіёну, якія да яго запісаліся, хвалявалі пытанні, звязаныя з ліквідаваннем будаўнічых недахопаў і парушэннямі тэрмінаў уводу жылля ў эксплуатацыю, а таксама змяненнямі мэтавага прызначэння зямельнага ўчастка.
Так, члены сям'і з аграгарадка Буйнічы, набыўшы ўчастак пад асабістую падсобную гаспадарку, пасля прынялі рашэнне змяніць яго мэтавае прызначэнне, каб пабудаваць жыллё. Аднак ад мясцовых улад атрымалі адмову ў сувязі з невыкананнем будаўнічага рэгламенту, норм і правіл, адсутнасці транспартнай інфраструктуры.
«Год таму мы купілі па суседстве ўчастак зямлі, звярнуліся ў райвыканкам, каб памяняць ягонае мэтавае прызначэнне. Але пасля выезду некалькіх камісій нам адмовілі. Аднак мы дадаткова кансультаваліся ў профільным міністэрстве ў Менску па нормах абноўленага заканадаўства, якое дазваляе на такіх участках будаўніцтва, дзе атрымалі адказ, што ніякіх перашкодаў для ўзвядзення жылля няма», – патлумачыла прычыну сваёй нязгоды з адказам мясцовых уладаў адна з заяўніц.
Старшыня Магілёўскага райвыканкама Алег Чыкіда, які прысутнічаў на сустрэчы, пракаментаваў, што складанасць сітуацыі ў тым, што пры ўмове будаўніцтва дома на запрошаным участку блакіруецца пад'езд да двух суседніх дамоў, якія на дадзены момант таксама належаць заяўнікам. Аднак у выпадку магчымага адчужэння або ажыццяўлення якіх-небудзь здзелак у будучыні гэта створыць праблему:
«Каб папярэдзіць яе, мы прапанавалі ўласніку расгледзець магчымасць адмовы ад часткі ўчастка, якая дазволіць забяспечыць бесперашкодны праезд і месца для развароту тэхнікі спецыяльнага прызначэння. Аднак з такім варыянтам яны не пагадзіліся».
Анатоль Ісачанка выслухаў бакі і даў даручэнне ў адпаведнасці з заканадаўствам выпрацаваць і растлумачыць грамадзянам магчымыя зыходы.
«Самыя вялікія праблемы ўзнікаюць, калі людзі пачынаюць дзяліць зямлю, - сказаў ён. - Жыццёвыя сітуацыі бываюць розныя, часам сваякі з-за 20 см зямлі даходзяць да Вярхоўнага Суда. Каб прадухіліць гэтую бязладзіцу ў будучыні, неабходна цяпер дасканала разабрацца і прыняць аптымальнае рашэнне».
Яшчэ адно пытанне датычылася ліквідавання будаўнічых недахопаў па вул. Жамчужнай у Магілёве. Грамадзяне, якія запісаліся на прыём, напярэдадні сустрэліся з дырэктарам Бабруйскага завода ККД і ў папярэдняй гутарцы ўзгаднілі тэрміны выканання работ. Анатоль Ісачанка даручыў выканаць абавязацельствы перад дольшчыкамі ў тэрмін і ўзяў пытанне на асабісты кантроль.
