Больш за 50 дагавораў на турысцка-экскурсійнае абслугоўванне заключылі «пярвічкі» Магілёўскай абласной арганізацыі Беларускага прафсаюза работнікаў мясцовай прамысловасці і камунальна-бытавых прадпрыемстваў падчас маштабнага турыстычнага форуму «Адкрый Беларусь», які праходзіць у сталіцы па ініцыятыве Федэрацыі прафсаюзаў Беларусі.
Найбольшай папулярнасцю карыстаюцца патрыятычныя экскурсійныя маршруты, удакладніў старшыня абласной арганізацыі галіновага прафсаюза Павел Жуйкоў:
- У топе, як і ў мінулым годзе, турысцка-экскурсійныя паездкі, прысвечаныя гераічным і трагічным старонкам у гісторыі нашага народа. Расце цікавасць да вытворчага турызму, у тым ліку наведванне флагманаў айчыннай прамысловасці. Як бачым, аб'яўлены кіраўніком дзяржавы Год міру і стварэння знаходзіць непасрэднае адлюстраванне ў праводзімай першаснымі прафсаюзнымі арганізацыі турысцка-патрыятычнай і выхаваўчай рабоце. Мы арыентавалі пярвічкі на правядзенне адпаведнай працы яшчэ ў студзені, даючы старт ініцыятыве «Справа кожнага», прысвечанай Году міру і стварэння.
