Тэрыторыя Магілёўскага заасада складае каля 120 га. Тут налічваецца амаль 300 жывёл 45 відаў, у тым ліку пума, зубры, лані, муфлоны, які, вярблюды, ваўкі, мядзведзь, куніца, паўліны і цацаркі. У перспектыве да гэтай кампаніі далучацца малпы і зебра. Новыя жыхары з'явяцца ў вучэбнай лабараторыі, як толькі будзе вырашана пытанне з будаўніцтвам новых вальераў, бо ўся жылплошча на тэрыторыі заасада цяпер занята.
