На галоўную На галоўную
Напісаць ліст Напісаць ліст
Карта сайта Карта сайта
Рус
Бел
Eng
ГЕРБ РБ Асіповіцкі раённы выканаўчы камітэт

Рака Свіслач  Асіповіцкая ГЭС  Мемарыяльны комплекс Брыцалавічы  Алея Герояў Мемарыяльны комплекс Расохі Асіповіцкі райвыканкам
Рака Свіслач

Удзельнікі міжнароднага пленэру па жывапісе падарылі магілёўскаму музею 60 карцін

17 верасня 2021

Удзельнікі міжнароднага пленэру па жывапісе "Вобраз Радзімы ў выяўленчым мастацтве" перадалі Магілёўскаму абласному мастацкаму музею імя П.В. Масленікава 60 карцін. Аб гэтым карэспандэнту БЕЛТА расказала дырэктар установы культуры Алена Баброва.

"Творчыя работы былі напісаны на магілёўскай зямлі падчас правядзення 25-га юбілейнага пленэру, - адзначыла Алена Баброва. - Іх аўтарамі выступілі мастакі з Беларусі, Расіі, Малдовы, Узбекістана і Егіпта. Жывапісныя палотны ўвайшлі ў падагульняючую экспазіцыю пленэру і будуць дэманстравацца ў нашым музеі на працягу месяца. Потым іх убачаць жыхары Бабруйска, пасля чаго творчасць пленэрыстаў ацэніць сталічны глядач".

Паводле слоў дырэктара музея, творчы форум быў багаты на яркія ўражанні і новыя знаёмствы. Напрыклад, удзельнікі пленэру наведалі мемарыяльныя комплексы на Буйніцкім полі і ў в. Боркі Кіраўскага раёна, Александрыі Шклоўскага раёна, правялі майстар-клас для дзяцей з Бялыніцкай дзіцячай школы мастацтваў.

У бягучым годзе мерапрыемства прысвечана памяці расійскага мастака-жывапісца і лаўрэата шматлікіх дзяржаўных прэмій Валянціна Міхайлавіча Сідарава, які стаяў ля вытокаў Міжнароднага пленэру ў Магілёве. Майстар спрыяў умацаванню творчых і культурных сувязяў прафесійных саюзаў мастакоў Расіі і Беларусі, за што ў 2008 годзе быў узнагароджаны ордэнам Францыска Скарыны.

БелТА