Узбекістан зацікаўлены ў пастаўках сельскагаспадарчай тэхнікі «Бабруйскаграмаш», паведамілі на прадпрыемстве.
Прадстаўнік холдынгу наведаў Ташкент у рамках стратэгіі па прасоўванні тэхнікі на рынкі сярэднеазіяцкіх рэспублік у 2023 годзе. Праграма паездкі была насычаная: наведванне міжнароднай выставы «Сельская гаспадарка - AgroWorld Uzbekistan – 2023», а таксама сустрэчы і перамовы з ключавымі ўзбекскімі партнёрамі «Бабруйскаграмаш» - Metal processing, Planeta Servis і MCHJ Buxoro Agro Texnika Garant, з якімі , а таксама тэхнічнае выкананне машын для адаптацыі іх пад патрабаванні ўзбекскага рынку.
Акрамя таго, падчас перамоваў прадстаўнік холдынгу азнаёміў партнёраў з навінкамі тэхнікі «Бабруйскаграмаш»: культыватарам баваўняным, сеялкамі і прычэпамі вялікай грузападымальнасці.
Як адзначылі на прадпрыемстве, у сярэднеазіяцкіх рэспубліках самыя запатрабаваныя мадэлі сельгастэхнікі - трактарныя прычэпы для перавозкі бавоўны, глебаапрацоўчае абсталяванне, машыны для ўнясення арганічных угнаенняў і корманарыхтоўчая тэхніка.
Узбекскія партнёры пацвердзілі сваю зацікаўленасць у штогадовых пастаўках сельскагаспадарчай тэхнікі «Бабруйскаграмаш». З 2022 года на ўзбекскіх палях ужо працуюць машыны для ўнясення цвёрдых арганічных угнаенняў і касілкі-здрабняльнікі ротарныя.
ААТ «Кіруючая кампанія холдынгу «Бабруйскаграмаш» - адзін з найбуйнейшых вытворцаў сельскагаспадарчых машын і прыстасаванняў у краінах Усходняй Еўропы. Прадпрыемства працуе на рынку сельскагаспадарчай тэхнікі з 1974 года. Асартымент прадукцыі налічвае больш за 150 найменняў. На сённяшні дзень тэхніка холдынгу пастаўляецца ў больш як 50 краін.
