У Магілёўскім раёне 31 мая адкрываецца першая змена ў аздараўленчым лагеры "Каласок"
1 чэрвеня 2023
Сёння, 31 мая, у 16:30 пройдзе ўрачыстае адкрыццё першай змены ў раённым аздараўленчым лагеры "Каласок". Як расказала галоўны спецыяліст аддзела па адукацыі Магілёўскага райвыканкама Анжэла Бушмелева, лагер гатовы да прыёму дзяцей у адпаведнасці з усімі патрабаваннямі, штат на летні перыяд укамплектаваны педагогамі, поварамі і іншымі работнікамі. Нядаўна пра гэта гаварылася на апаратнай нарадзе кіруючых працаўнікоў Магілёўскага райвыканкама.
Паводле інфармацыі Анжэлы Бушмелевай, сёлета ў раённым аздараўленчым лагеры будзе арганізавана пяць змен. Усяго ў лагеры змогуць адпачыць і аздаравіцца за лета 950 дзяцей і падлеткаў, з іх -65 дзяцей-сірот або бацькоў, якія засталіся без апекі, 115 дзяцей работнікаў бюджэтнай сферы, 25 выхаванцаў дзіцячай спартыўнай школы, 6 дзяцей-інвалідаў.
Таксама ў лагеры будзе арганізавана работа профільных атрадаў для падлеткаў старэйшых за 14 гадоў: першая змена - спартыўная, другая і трэцяя - краязнаўчага і грамадзянска-патрыятычнага профілю, чацвёртая і пятая - сацыяльна-педагагічныя.
Акрамя таго, у Магілёўскім раёне на базе ўстаноў адукацыі плануецца работа 19 лагераў з дзённым знаходжаннем дзяцей на 374 месцы. З іх 17 аздараўленчых і два лагеры працы і адпачынку. Будзе таксама арганізавана работа двух палатачных лагераў і працоўнага лагера.
