У першым паўгоддзі свабодныя эканамічныя зоны прыцягнулі 19 працэнтаў ад агульнага аб'ёму прамых замежных інвестыцый на чыстай аснове, забяспечылі 21 працэнт экспарту тавараў і 18 працэнтаў вытворчасці прамысловай прадукцыі, паведамілі БЕЛТА ў прэс-службе Мінэканомікі.
Сярэднямесячная зарплата работнікаў гэтых прадпрыемстваў павялічылася амаль на 20 працэнтаў, наблізіўшыся да адзнакі Br1900. Выраслі таксама выручка - на 10,2 працэнта і аб'ём вытворчасці прамысловай прадукцыі - на 5,4 працэнта. Усе СЭЗ спрацавалі з прыбыткам, сумарны аб'ём якога склаў Br1,1 млрд.
Экспарт тавараў рэзідэнтаў дасягнуў $4 млрд, што забяспечыла дадатнае сальда знешняга гандлю таварамі ($1,7 млрд).
За студзень-ліпень зарэгістравана 18 новых рэзідэнтаў з праектамі ў лагістыцы, харчовай прамысловасці, вытворчасці мэблі, металаапрацоўцы. Сумарны аб'ём інвестыцый перавысіў $132 млн, а рэалізацыя гэтых ініцыятыў будзе садзейнічаць стварэнню больш як 1070 новых рабочых месцаў.
