У мінулым годзе ў Беларусі вырабілі 160 тыс. т кандытарскай прадукцыі. Аб гэтым на прэс-канферэнцыі расказаў намеснік старшыні канцэрна "Белдзяржхарчпрам" Аляксандр Якоўчыц, паведамляе карэспандэнт БЕЛТА.
"Кандытарская галіна ў нашай краіне - адна з самых маштабных з пункту гледжання колькасці прадпрыемстваў, якія працуюць у гэтым сектары эканомікі. Іх больш за дзвесце. Толькі на прадпрыемствах канцэрна працуюць каля 5,5 тыс. чалавек. Гэта галіна - адна з самых мадэрнізаваных па наяўнасці тэхналагічнага абсталявання, якое адпавядае сучасным патрабаванням і рэаліям, а таксама адна з самых высокаканкурэнтных. Дастаткова сказаць, што толькі ў партфелі фабрык канцэрна - каля 6 тыс. найменняў", - адзначыў Аляксандр Якоўчыц.
Ён таксама расказаў аб развіцці галіны за мінулы год. "За мінулы год у краіне вырабілі 160 тыс. т кандытарскай прадукцыі з ростам 3,6 працэнта да 2022 года. Загрузка магутнасцей па краіне склала 86,2 працэнта. Тут таксама ёсць дадатная дынаміка - мы прыраслі на 1,2 працэнтнага пункта ў параўнанні з 2022 годам. Трэць выпускаемай прадукцыі экспартуецца. Па мінулым годзе мы атрымалі $173 млн валютнай выручкі і прыраслі на 15 працэнтаў у натуральным выражэнні. Геаграфія паставак налічвае 41 краіну", - паведаміў намеснік старшыні канцэрна.
