На галоўную На галоўную
Напісаць ліст Напісаць ліст
Карта сайта Карта сайта
Рус
Бел
Eng
ГЕРБ РБ Асіповіцкі раённы выканаўчы камітэт

Рака Свіслач  Асіповіцкая ГЭС  Мемарыяльны комплекс Брыцалавічы  Алея Герояў Мемарыяльны комплекс Расохі Асіповіцкі райвыканкам
Рака Свіслач

Вытворчасць садавіны і ягад у фермерскіх гаспадарках Беларусі вырасла ў 13 разоў

26 кастрычніка 2020

Вытворчасць садавіны і ягад у фермерскіх гаспадарках Беларусі за 10 гадоў вырасла ў 13 разоў. Аб гэтым паведаміла намеснік начальніка галоўнага ўпраўлення раслінаводства Міністэрства сельскай гаспадаркі і харчавання Таццяна Карбановіч у час круглага стала ў прэс-цэнтры БЕЛТА.

"Пакуль мы яшчэ не ў поўным аб'ёме забяспечваем насельніцтва яблыкамі. Таму штогод закладваюцца новыя сады. За 2016-2019 гады пасаджана 3,3 тыс. га. У бягучым годзе - ужо 315 га, і работа яшчэ прадаўжаецца. За апошнія 10 гадоў зрабілі значны рывок у гэтым напрамку. У параўнанні з 2010 годам вытворчасць пладова-ягаднай прадукцыі ў грамадскім сектары павялічылася ў 4,2 раза. Вялікія аб'ёмы вытворчасці сканцэнтраваны ў фермерскіх гаспадарках (рост у 13 разоў)", - сказала Таццяна Карбановіч.

У бягучым годзе ў гаспадарках усіх катэгорый чакаецца вытворчасць бульбы на ўзроўні 6,1 млн т, пладоў і ягад - 601 тыс. т, агародніны - 1,8 млн т. У тым ліку ў сельскагаспадарчых і сялянскіх (фермерскіх) гаспадарках плануюць атрымаць 1,1 млн т бульбы, 170 тыс. т пладоў і ягад, а таксама 625,5 тыс. т агародніны адкрытага і закрытага грунту.

З чаканых 1,1 млн т бульбы 185 тыс. т пойдуць на насенне, каля 200 тыс. т адправяць на прамысловую перапрацоўку, 171 тыс. т - на патрэбы гандлю і грамадскага харчавання (у тым ліку для закладкі ў стабілізацыйныя фонды), астатняе - для іншай рэалізацыі, уключаючы экспарт. З чаканага ўраджаю агародніны 180 тыс. т плануюць накіраваць на патрэбы грамадскага харчавання і гандлю, а таксама для закладкі ў стабфонды, 43 тыс. т будзе перапрацавана, больш за 400 тыс. т - для іншай рэалізацыі, уключаючы экспарт. На прамысловую перапрацоўку пойдзе 31 тыс. т пладоў і ягад, для гандлю, грамадскага харчавання і стабфондаў - 50 тыс. т, астатняе будзе рэалізавана на рынках, кірмашах і за мяжой.

У Беларусі практычна ўжо завершана ўборка бульбы. У сельгасарганізацыях сабрана каля 700 тыс. т (ураджайнасць - 284 ц/га). Агародніна адкрытага грунту ўбрана з 79 працэнтаў запланаваных плошчаў, сабрана 110 тыс. т. Што датычыцца пладоў і ягад, у сельгасарганізацыях сабрана каля 66 тыс. т.