Беларусь можа дапамагчы Пензенскай вобласці ў вытворчасці цукру
Беларусь можа дапамагчы Пензенскай вобласці ў вытворчасці цукру. Аб гэтым расказаў журналістам губернатар Пензенскай вобласці Расіі Алег Мельнічэнка пасля сустрэчы з Прэзідэнтам Беларусі Аляксандрам Лукашэнкам, перадае карэспандэнт БЕЛТА.
Алег Мельнічэнка адзначыў, што ў Пензенскай вобласці вырабляецца цукровы пясок. У рэгіёне цукровымі буракамі засеяна 56 тыс. га. "Але, на жаль, насенне французскае. І, на жаль, тая буракаўборачная тэхніка, якая на сённяшні дзень ёсць, таксама ўся замежная. Тут мы бачым вялікі зачын для супрацоўніцтва", - расказаў губернатар.
Паводле яго слоў, на цукровых заводах у Пензенскай вобласці могуць пачаць выкарыстоўваць беларускае насенне, а ў палях - беларускую тэхніку. Для гэтага абмяркоўваецца стварэнне сумеснай вытворчасці буракаўборачных машын.