Беларускія аграрыі намалацілі 8,5 млн т збожжа
Беларускія аграрыі намалацілі 8,5 млн т збожжа, паведамляе БЕЛТА са спасылкай на аператыўную інфармацыю Міністэрства сельскай гаспадаркі і харчавання.
Паводле даных на 21 кастрычніка, усяго па краіне намалочана 8,506 млн т збожжа пры сярэдняй ураджайнасці 37,7 ц/га (у 2019 годзе ўраджайнасць на аналагічную дату складала 33,7 ц/га). У Мінскай вобласці сабралі 2,1 млн т збожжа, у Гродзенскай - больш за 1,6 млн т, Брэсцкай - звыш 1,4 млн т, Магілёўскай - больш за 1,1 млн т, Віцебскай і Гомельскай - больш як па 1 млн т.
Кукурузу ўбралі з 919,4 тыс. га (75,4 працэнта запланаванай плошчы). На сілас і зялёны корм убрана 854,4 тыс. га (85 працэнтаў плана), сабрана 20,29 млн т зялёнай масы пры ўраджайнасці 237,5 ц/га. Уборка кукурузы на зерне таксама прадаўжаецца: работы праведзены на 65 тыс. га (30,4 працэнта плана), намалочана 446,7 тыс. т.
Бульба ў сельгасарганізацыях убралі з 96,8 працэнта плошчаў (24,3 тыс. га), накапана 691,1 тыс. т (ураджайнасць - 284,3 ц/га). Цукровыя буракі ўбраны з 48,6 тыс. га, што складае 59 працэнтаў уборачнай плошчы. Сабрана 2,231 млн т пры сярэдняй ураджайнасці 458,9 ц/га. Цукрыстасць буракоў складае 16,16 працэнта. Што датычыцца агародніны, беларускія аграрыі правялі ўборачныя работы на 4,59 тыс. га (76,5 працэнта ад плана), сабрана 104,3 тыс. т пры ўраджайнасці 227,5 ц/га.
У Беларусі нарыхтавана 13,481 млн т сенажу (107 працэнтаў) і 17,376 млн т сіласу (90,6 працэнта). Усяго ў бягучым годзе плануецца атрымаць 9,3 млн т кармавых адзінак травяных кармоў, прычым найбольшая доля прыпадзе на Мінскую і Брэсцкую вобласці. Да гэтага часу нарыхтавана 96 працэнтаў ад плана.