У Беларусі на веснавыя палявыя работы спатрэбіцца больш за Br2,2 млрд
На веснавыя палявыя работы ў 2021 годзе неабходна Br2 млрд 275,5 млн. Гэта прадугледжана рабочым планам па падрыхтоўцы і правядзенні веснавых палявых работ у 2021 годзе, размешчаным на сайце Міністэрства сельскай гаспадаркі і харчавання, паведамляе БЕЛТА.
Агульная патрэбнасць у фінансах на 2021 год складае больш за Br4,8 млрд, у тым ліку на перыяд са студзеня па май - больш за Br2,2 млрд. Сродкі будуць накіраваны на закупку гаруча-змазачных матэрыялаў, мінеральных угнаенняў, сродкаў аховы раслін, рамонт і абслугоўванне сельгастэхнікі, насенне і інш.
У бягучым годзе сельскагаспадарчыя арганізацыі, сялянскія (фермерскія) гаспадаркі павінны забяспечыць вытворчасць збожжа ў аб'ёме 8,545 млн т, у тым ліку 6,57 млн т фуражнага. Цукровых буракоў плануецца атрымаць 5 млн т, алейнага семя рапсу - 714 тыс.т, бульбы - 1,1 млн т, ільнотрасты - 180 тыс. т, агародніны - 625 тыс. т, пладоў і ягад - 170 тыс. т. Для выканання прадугледжаных аб'ёмаў Мінсельгасхарч распрацаваў рабочы план правядзення веснавых палявых работ, вызначыў адпаведныя мерапрыемствы, стварыў рэспубліканскі штаб, аператыўныя рабочыя групы, зацвердзіў графікі пастаўкі мінеральных угнаенняў.
Згодна са структурай пасяўных плошчаў, яравую сяўбу плануецца правесці на плошчы большай за 2,3 млн га, з іх раннія яравыя збожжавыя і зернебабовыя культуры будуць размешчаны на 742,6 тыс. га, бульба - 25,2 тыс.га, цукровыя буракі - 97 тыс. га.