Больш за 150 сямей атрымалі доўгачаканыя кватэры сёлета ў Асіповічах.

80 з іх, у тым ліку 15 шматдзетных, нядаўна засяліліся ў адным з дамоў мікрараёна па вул. Чарняхоўскага. Яго будоўлю ажыццяўляў жыллёвы кааператыў “На варце”. Яшчэ 63 дамы агульнай плошчай 10,5 тыс. квадратных метраў уведзены ў эксплуатацыю індывідуальнымі забудоўшчыкамі. Ак- рамя гэтага, наваселле адзначалі і 4 сям’і калгаснікаў з сельгаскааператываў “Калгас “Авангард” і “Калгас “Чырвоны ўдарнік”.

Наогул, увод жылля за студзень-кастрычнік склаў 18,8 тыс. квадратных метраў. У снежні чакаецца здача 108-кватэрнага жылога дома ПЖБК-13, дзе атрымаюць жыллё і 35 шматдзетных сямей.