ЛЕПШЫЯ ЗБЯРУЦЦА 1 САКАВIКА

Такое рашэнне прынята на чарговым пасяджэнні райвыканкама, якое пад началам старшыні Пятра Шукаловіча прайшло 6 лютага: злёт пераможцаў раённага спаборніцтва за высокія паказчыкі ў эканамічным
і сацыяльна-культурным развіцці раёна ў 2012 годзе пройдзе ў маладзёжна-падлеткавым цэнтры “Равеснік”.
Натуральна, былі разгледжаны кандыдатуры прэтэндэнтаў на перамогу ў розных намінацыях і аглядах-конкурсах, прадстаўленых да заахвочвання пасля дасканалага вывучэння адпаведнымі камісіямі, а таксама зацверджаны мерапрыемствы па папярэджанні гібелі і траўматызму работнікаў у арганізацыях Асіповіччыны, правядзенні маладзёжнай палітыкі ў 2013 годзе і шэраг іншых пытанняў, якія тычацца паўсядзённага жыцця рэгіёна.