Амаль паўсотні пытанняў было разгледжана на чарговым пасяджэнні райвыканкама
Амаль паўсотні пытанняў было разгледжана на чарговым пасяджэнні райвыканкама, якое прайшло 21 снежня пад началам старшыні Паўла Налівайкі. I адно з іх — “Аб удасканальванні сістэмы дашкольнай адукацыі раёна, забеспячэнні яе варыятыўнасці і даступнасці”.
Начальнік аддзела па адукацыі райвыканкама Наталля Шаўчэнка прывяла нямала фактаў, якія сведчаць аб мэтанакіраванай дзейнасці ва ўзгаданым напрамку. У нас 28 устаноў, якія рэалізуюць агульнаадукацыйную праграму дашкольнай адукацыі. Выхаванцаў 2165, і забяспечанасць дзяцей месцамі за 3 гады павялічылася на 6% — 97,4% пры нарматыве сацстандартаў 85%. Усе 5-гадовыя хлопчыкі і дзяўчынкі ахоплены падрыхтоўкай да навучання ў школе.
Забяспечана магчымасць атрымання да-школьнай адукацыі на беларускай мове: функцыянуе 13 беларускамоўных груп у 9 установах, дзе займаецца 16,9% усіх выхаванцаў.
На фінансаванне ўстаноў сёлета выдзелена 6,3 млн рублёў бюджэтных сродкаў. Тэмп росту даходаў, атрыманых ад ажыццяўлення пазабюджэтнай дзейнасці, склаў 119,27%.
Функцыянаванне сістэмы дашкольнай адукацыі забяспечваюць 602 працаўнікі, з іх 281 — педработнікі. Першую і вышэйшую кваліфікацыйныя катэгорыі маюць 61,9% — на 6,2 і 9,2% вышэй абласнога і рэспубліканскага паказчыка.
Удасканальваецца арганізацыя харчавання дзяцей, паляпшаецца забеспячэнне халадзільным і тэхналагічным абсталяваннем харчблокаў, павышаюць кваліфікацыю працуючыя там спецыя-лісты і г.д.
Але разам з плюсамі ёсць і праблемныя моманты. Напрыклад, існуе дэфіцыт месцаў у яслях-са-дзе № 12 у гарадскім мікрараёне “Чарняхоўскага”; дзеля павышэння даступнасці спецыяльнай адукацыі трэба адкрыць пункты карэкцыйна-педагагічнай дапамогі ў Дараганаўскім і Ліпенскім комплексах і г.д.
Пры абмеркаванні пытання вызначэнню шляхоў вырашэння вузкіх месцаў члены выканкама і надалі асаблівую ўвагу.