У райвыканкаме

Розная аспекты жыццядзейнасці рэгіёна разглядаліся на чарговым пасяджэнні райвыканкама, якое прайшло 21 лістапада пад началам старшыні Пятра Шукаловіча.
Напачатку была абмеркавана інфармацыя начальніка  аддзела  ідэалагічнай работы, культуры і па справах моладзі райвыканкама Iрыны Раманчук наконт ходу выканання рашэння райвыканкама “Аб падрыхтоўцы і
правядзенні  святкавання 70-й гадавіны вызвалення Асіповіцкага раёна ад нямецка-фашысцкіх захопнікаў і Перамогі савецкага народа ў Вялікай Айчыннай вайне”. Па стане на 1 лістапада на Асіповіччыне жыве 97 ветэранаў вайны (у снежні мінулага іх было 119), і раённымі службамі ім аказваецца ўсебаковая дапамога і падтрымка. На гэтыя мэты са сродкаў райбюджэту пайшло 146,1 млн рублёў — дапамогу атрымалі 22 чалавекі. На ўліку ў нас 134 пахаванні вайскоўцаў і 54 помнікі ваеннай  славы.  На ўтрыманне ў належным стане магіл і помнікаў у 2013-2014 гадах з нашага бюджэту зрасходавана 530 мільёнаў. Работу па выкананні  адпаведнага  плана правялі значную, і яна працягваецца. У прыватнасці, па пошуку і перазахаванні астанкаў воінаў Чырвонай Арміі, збору матэрыялаў для дадатку да кнігі “Памяць”, капрамонту мемарыяльнага комплексу “Алея Герояў” і г.д.
Шмат увагі члены выканаўчага камітэта надзялілі разгляду пытання аб рацыянальнай і эфектыўнай рабоце карыстальнікаў  на  землях, размешчаных на тэрыторыі Лапіцкага  сельсавета,  якое падрабязна асвятліла начальнік землеўпарадкавальнай службы райвыканкама Наталля Мастыка. I хаця пэўныя станоўчыя захады назіраюцца, у цэлым яна, як было адзначана, вядзецца недастаткова. Прычым, на існуючыя праблемы абавязкова трэба глядзець маштабней: яны тычацца літаральна ўсіх нашых сельсаветаў,  сельгаскааператываў, прадпрыемстваў, наогул грамадзян.
Аб стане і мерах па барацьбе з карупцыяй у раёне  за  студзень-кастрычнік праінфармаваў пракурор раёна Аляксандр  Канецкі.  Сёлета  ў нас выяўлена 13 злачынстваў карупцыйнай накіраванасці  (2013  год  — 34): раскраданне шляхам злоўжывання службовым становішчам — 9 (7), даванне і атрыманне хабару — 4 (25). Злачынствы здзейснены ў арганізацыях сельскай гаспадаркі — 9, медыцынскага абслугоўвання — 2, прадастаўленні санітарных паслуг і прыватнай арганізацыі “вызначылася” сёлета 6 (14)  пасадавых  асоб.  На нашых прадпрыемствах і зараз сустракаюцца парушэнні заканадаўства аб захаванасці дзяржаўнай уласнасці, незаконнага нямэтавага выкарыстання бюджэтных сродкаў, непрыняцце мер па рэгрэсіўнай кампенсацыі нанесеных матэрыяльных страт за кошт вінаватых асоб, а таксама несвоечасовае прыцягненне да дысцыплінарнай адказнасці тых, хто здзейсніў правапарушэнні, ствараючыя ўмовы для карупцыі альбо карупцыйных правапарушэнняў, прадугледжаных артыкуламі 20-21 Закона краіны “Аб барацьбе з карупцыяй”. Гэта негатыўна ўплывае на грамадска- эканамічныя працэсы ў рэгіёне, хаця праведзены аналіз работы дзяржорганаў па выкананні сёлета
мерапрыемстваў па супрацьдзеянні карупцыі сведчыць, што прадугледжаныя мерапрыемствы ў цэлым выконваліся.
Што тычыцца ходу рэалізацыі на Асіповіччыне патрабаванняў Дырэктывы № 1 Прэзідэнта Рэспублікі Беларусь “Аб мерах па ўмацаванні грамадскай бяспекі і дысцыпліны”, пра што праінфармаваў  намеснік старшыні райвыканкама Аляксандр Шаўлюга, то пэўная работа праводзіцца, канкрэтныя арганізацыйна-практычныя меры па рэалізацыі патрабаванняў Дырэктывы прымаюцца. Напрыклад, з мэтай аказання практычнай і метадычнай дапамогі ў забеспячэнні заканадаўства аб ахове працы створаны 3 мабільныя групы. Летась яны наведалі 85 арганізацый і выявілі 1.186 парушэнняў, сёлета — адпаведна 79 і 1.038. Усім арганізацыям выдадзены рэкамендацыі з канкрэтнымі прапановамі па стварэнні здаровых і бяспечных умоў працы. Але па асобных накірунках бяспекі жыццядзейнасці нашых людзей эфектыўнасць работы працягвае заставацца недастатковай. З нагоды чаго і быў зацверджаны пералік адпаведных мерапрыемстваў.