22 января 2016
Выра тавальнікі адзначылі сваё прафесійнае свята
Сёлета Дзень выратавальніка атрымаўся асаблівым: літаральна за некалькі дзён да яго на нас абрынуліся снегапады — "падарункі" "Даніэлы" і "Эмы". Але — нічога, мы загартаваныя. А ўжо нашы выратавальнікі — тым больш!
I 19 студзеня, насуперак усім нягодам, свята адбылося — ужо ў 17-ы раз. А для дзевяці супрацоўнікаў Асіповіцкага і Глускага РАНС, якія паступілі на службу ў МНС на працягу мінулага года — упершыню. На ўрачыстым сходзе асабовага складу двух райаддзелаў, прысвечаным Дню выратавальніка, у прысутнасці калег кожны з навабранцаў прыняў прысягу на вернасць Канстытуцыі і заканадаўству Рэспублікі Беларусь, пакляўся высока несці гонар і годнасць выратавальніка, абараняць жыццё і здароўе грамадзян.
Са знамянальнай падзеяй маладых супрацоўнікаў павіншавалі начальнікі райаддзелаў Iгар Логвін і Павел Шарснёў, якія адзначылі, што прытрымліваючыся дэвізу "Прафесіяналізм, адвага і гонар", ратавальнікі ў любой сітуацыі заўсёды першымі прыходзяць на дапамогу пацярпелым. З пажаданнямі ўсім супрацоўнікам і іх сем’ям дабрабыту, паразумення і здароўя звярнуўся да прысутных і старшыня райаддзялення Беларускай грамадскай арганізацыі ветэранаў органаў і падраздзяленняў па надзвычайных сітуацыях "Выратавальнік" Юрый Крышаловіч.
Завяршыў урачыстую цырымонію настаяцель храма Усіх Тужлівых Радасць іерэй Генадзь. Ён павіншаваў супрацоўнікаў з прафесійным святам, прыняццем прысягі і Вадохрышчам, якое святкуецца ў гэты ж дзень, падкрэсліў значнасць работы выратавальнікаў, пажадаў моцнага здароўя, духоўнага і матэрыяльнага дабрабыту, бяспечных працоўных будняў, блаславіў іх высакародную працу.
Святкаванне працягнулася ў раённым Цэнтры культуры і вольнага часу віншавальным канцэртам, у якім усё — пра іх і для іх, тых, хто стаіць на варце не толькі нашага спакою, але часам і жыцця.