Прыцэнімся?
На гэтым тыдні стартуе падрыхтоўка прад-прыемстваў раёна да навагодніх святаў.
Як паведамілі ў Асіповіцкім лясгасе, больш чым у 2 разы вырастуць цэны на навагоднія ёлкі і сосны. Па папярэдняй інфармацыі, адна лясная прыгажуня вышынёй да метра будзе каштаваць 20 тысяч рублёў, ад 1 да 2 — 30, ад 2 да 3 — амаль 53 тысячы. Самая дарагая хваіна — васьміметровая, яе цана складзе каля 215 тысяч. Прычым названыя лічбы значна ніжэйшыя, чым у некаторых раёнах Магілёўшчыны. Ёлачныя кірмашы пачнуцца ў сярэ-дзіне снежня.
Затое гандлёвыя прадпрыемствы горада ўжо распачалі продаж навагодніх тавараў, у тым ліку і штучных ёлак і сосен. Па словах таваразнаўцы ААТ “Гандаль” Ларысы Згеры, у крамах ёсць у наяўнасці дрэвы коштам ад 66 да 526 тысяч рублёў.
На думку эколагаў, змяненне цэн на натуральныя зялёныя прыгажуні — дадатковае сведчанне аб тым, што тыя, хто ўпрыгожвае свае кватэры перад Новым годам штучнымі дрэвамі, маюць рацыю.