Стань удзельнікам акцыі
21 жніўня, Асіповічы /Уласн.інф./. У першую нядзелю верасня — Дзень беларускай пісьменнасці.
З нагоды гэтай падзеі Беларускі рэспубліканскі саюз моладзі распачаў дабрачынную акцыю па збіранні кніг для вясковых бібліятэк. Задачы пастаўлены высакародныя: правядзенне асветніцкай работы сярод юнакоў і дзяўчат, уцягванне дзяцей і падлеткаў у культурна-масавую дзейнасць, стварэнне ўмоў для выхавання дзяцей і моладзі на аснове традыцый і культуры беларускага народа.
Як паведаміла нашаму карэспандэнту першы сакратар РА ГА “БРСМ” Ларыса Волкава, акцыя праводзіцца з 13 жніўня па 3 верасня. Менавіта ў гэты час кожны з нас можа прынесці ў Асіповіцкую райарганізацыю ГА “БРСМ” (будынак райвыканкама, корпус 2, пакой 309, тэлефон для сувязі — 22-5-16) самыя розныя кнігі, часопісы, метадычныя дапаможнікі, абучаючыя матэрыялы і г.д., пасля чаго сабранае дабро будзе ўрачыста перададзена для штодзённага карыстання нашым бібліятэчным установам на вёсцы.
Станьце ўдзельнікамі акцыі, землякі!