Дзякаваць ветэранам будзем заўсёды!
16 мая 2014
Бягучая вясна на Асіповіччыне адметна замяшчэннем праваднога
радыёвяшчання на ўльтракаротка- хвалевае. Для таго, каб дапамагчы
ветэранам Вялікай Айчыннай вайны скарыстацца новымі тэхнічнымі
магчымасцямі, у раёне прайшла акцыя “У клопаце аб ветэранах”. Кожны з
удзельнікаў вайны — а іх у нас 117 — у гэтыя майскія дні атрымаў
новенькі УКХ- прыёмнік. Да дабрачыннай справы далучыліся прадпрыемствы і
ўстановы, дзе раней працавалі ветэраны, райарганізацыі грамадскіх
аб’яднанняў “Белая Русь” і “Беларускі фонд міру”. Свой уклад зрабіў
раённы вузел электрасувязі, выдзеліўшы 25 радыёпрыёмнікаў. Дапамагаў
дастаўляць падарункі дарагім адрасатам і раённы Цэнтр сацыяльнага
абслугоўвання насельніцтва.