Раённы бацькоўскі сход
5 июня 2015
Раённы бацькоўскі сход па праблемах выхавання дзяцей у сучаснай сям’і адбыўся на днях у гімназіі.
Задачай маштабнага мерапрыемства стала прыцягненне ўвагі бацькоўскай грамадскасці да вырашэння праблем негатыўных праяў сярод непаўналетніх, павышэнне эфектыўнасці міжведамаснага ўзаемадзеяння ў рабоце з імі, папярэджанне злачыннасці сярод дзецей і падлеткаў, забеспячэнне іх карыснай занятасцю ў вольны час.
У зацікаўленай размове прынялі ўдзел 227 бацькоў навучэнцаў 18 гарадскіх і сельскіх устаноў адукацыі, педагогі, медыкі, прадстаўнікі праваахоўных органаў і іншых службаў раёна. Бацькі даведаліся аб метадах фарміравання ў падлеткаў навыкаў бяспечных і адказных паводзін, арганізацыі прафілактычнай работы з імі, былі праінфармаваны аб прыкметах ужывання псіхаактыўных рэчываў, азнаёміліся з мерамі па супрацьдзеянні распаўсюджванню наркотыкаў у маладзёжным асяроддзі.
Сваім меркаваннем аб духоўна-маральным аспекце сямейнага выхавання падзяліўся благачынны Асіповіцкай акругі протаіерэй Васіль Белавус. Суразмоўцы закранулі і такую “гарачую” на сёння тэму, як арганізацыя занятасці непаўналетніх у летні перыяд.
Адным з прынятых удзельнікамі сходу рашэнняў стала правядзенне 4 чэрвеня адзінага дня бяспекі, а завяршылася сустрэча “адкрытым мікрафонам”: ні адно пытанне не засталося без кампетэнтнага адказу.
Па матэрыялах газеты "Асіповіцкі край"
