На чарговым пасяджэннірайвыканкама, якое прайшло 4 жніўня пад началам старшыні Пятра Шукаловіча, было разгледжана каля чатырох дзясяткаў пытанняў самага рознага накірунку жыцця рэгіёна.
Намеснік пракурора Генадзь Баршчэўскі агучыў прадстаўленне пракурора раёна ад 30 чэрвеня 2017 года "Аб выпраўленні парушэнняў заканадаўства, накіраванага на сацыяльна-эканамічнае развіццё Свіслацкага сельсавета, прычын і ўмоў, якія ім спрыяюць". Было адзначана, што зараз асобныя недахопы, устаноўленыя падчас праверкі, ліквідаваны. За студзень-чэрвень у параўнанні з мінулагоднім паўгоддзем на тэрыторыі Свіслацкага сельсавета крымінагенная абстаноўка палепшылася. Колькасць зарэгістраваных злачынстваў паменшылася з 17 да 14 (на 17,7%), па раёне — з 359 да 348 (на 3,1%). Павялічылася раскрывальнасць злачынстваў (з 70,6 да 85,7%), тады як на тэрыторыі Асіповіччыны знізілася з 83,4 да 82,1%. Колькасць адміністрацыйных правапарушэнняў на тэрыторыі сельсавета таксама стала меншай (82-69, па раёне — 7170-6592).
Аднак, нягледзячы на прымаемыя меры і праводзімую работу, на тэрыторыі сельсавета патэнцыял сацыяльна-эканамічнага развіцця ў поўнай меры не рэалізуецца. Iснуюць праблемы гандлёвага абслугоўвання насельніцтва, не выкаранены парушэнні санітарных нормаў у гандлёвых аб’ектах, прыродаахоўнага заканадаўства на землях агульнага карыстання, патрабаванняў па добраўпарадкаванні населеных пунктаў, утрымання могілак і г.д. Падобныя факты маюць месца і ў другіх сельсаветах, таму з тлумачэннямі за трыбуну запрасілі не толькі в.а. старшыні Свіслацкага сельвыканкама, а ўздымалі і шэраг іншых яго калег і кіраўнікоў працоўных калектываў.
Начальнік упраўлення па працы, занятасцi i сацыяльнай абароне райвыканкама Тамара Бурак праінфармавала прысутных аб стане аховы працы і прафілактыкі вытворчага траўматызму ў арганізацыях раёна за першае паўгоддзе, выніках маніторынгу Магілёўскага абласнога аб’яднання прафсаюзаў. Адзначана, што праводзіцца пэўная работа, накіраваная на стварэнне здаровых і бяспечных умоў працы. Распрацаваны і зацверджаны Комплекс мер па папярэджанні гібелі і траўміравання людзей, умацаванні вытворча-тэхналагічнай, выканальніцкай і працоўнай дысцыпліны ў нашых арганізацыях. Сістэма кіравання аховай працы на аснове дзярж-стандарту краіны СТБ 18001-2009 распрацавана і ўкаранёна ў 182 арганізацыях раёна, сертыфікавана ў 11. Праведзена 3 пасяджэнні раённай камісіі па прафілактыцы вытворчага траўматызму і прафесійнай захворваемасці, 6 — праверцы ведаў па пытаннях аховы працы; 69 кіраўнікоў і спецыялістаў арганізацый, якія не маюць вышэйстаячых органаў кіравання, прайшлі праверку ведаў. Прайшло 4 месячнікі бяспечнай працы. Актуальная інфармацыя па ахове працы размяшчаецца на сайце райвыканкама, друкуецца ў раённай газеце, праведзена 4 навучальныя семінары з кіраўнікамі і спецыялістамі арганізацый розных формаў уласнасці і г.д.
За 6 месяцаў 2017 года мабільныя групы наведалі 73 аб’екты. Выяўлена 703 парушэнні заканадаўства, усім арганізацыям выдадзены рэкамендацыі з канкрэтнымі прапановамі па стварэнні здаровых і бяспечных умоў працы, ад усіх атрыманы адказы аб ліквідацыі выяўленых парушэнняў. I ўсё ж за сту-дзень-чэрвень у раёне адбылося 10 няшчасных выпадкаў на вытворчасці, у тым ліку 3 з цяжкімі наступствамі (летась за аналагічны перыяд — 5 і 1). Аналіз прычын вытворчага траўматызму паказвае, што асноўныя з іх — парушэнне пацярпелымі працоўнай і вытворчай дысцыпліны, патрабаванняў інструкцый па ахове працы; невыкананне кіраўнікамі і спецыялістамі абавязкаў па арганізацыі і забеспячэнні бяспекі працы; недахопы ў навучанні і інструктаванні пацярпелага па ахове працы.
Па ўсіх разгледжаных пытаннях членамі райвыканкама прыняты адпаведныя рашэнні.
