У суботу — раённы суботнік
17 апреля 2009
Такое рашэнне прынята на пасяджэнні райвыканкама, якое прайшло пад началам старшыні Пятра Шукаловіча 14 красавіка. Для яго падрыхтоўкі і правядзення створана раённая рабочая група, якую ўзначаліў намеснік старшыні райвыканкама Аляксандр Шаўлюга. Адказным асобам даручана вызначыць аб’екты, на якіх у суботу будуць праводзіцца работы, і колькасць людзей, неабходнай для іх выканання. Усе заробленыя ў гэты дзень грошы будуць накіраваны на рамонт, рэканструкцыю, аднаўленне і добраўпарадкаванне мемарыяльных комплексаў, месцаў баявой і вайсковай славы, пахаванняў воінаў і партызан, падрыхтоўку аздараўленчых лагераў да летняга сезона, упарадкаванне аграгарадкоў і г.д.
